Treciaje zdareńnie na čyhuncy ŭ Polščy — na rejkach vyjavili nakładku sa smartfonam
Na čyhunačnaj linii Varšava — Lublin čarhovaje zdareńnie. Jak paviedamiŭ akaŭnt Dyspozytura Trakcji, jaki śpiecyjalizujecca na navinach čyhunki, pierad stancyjaj Pułavy Azoty było vyjaŭlena inšarodnaje prystasavańnie.
Skryn videa z papiaredniaha miesca zdareńnia. Tam premjer-ministr Polščy Donald Tusk paćvierdziŭ, što paškodžańnie čyhunki na linii Varšava — Lublin adbyłosia ŭ vyniku dyviersii
Padčas patrulavańnia byŭ znojdzieny mietaličny list, jaki byŭ prykručany bałtami da rejki. Za niekalki dziasiatkaŭ mietraŭ ad jaho da rejki byŭ prymacavany smartfon z pravadami.
Zdareńnie adbyłosia na toj ža linii Varšava — Lublin, dzie na vychodnych užo była dyviersija. Siońnia ranicaj premjer-ministr Polščy Donald Tusk paćvierdziŭ jaje fakt.
Uviečary ŭ niadzielu pobač sa stancyjaj Pułavy była taksama paškodžanaja kantaktnaja sietka, što pryviało da ekstrannaha spynieńnia chutkasnaha ciahnika. U vyniku paškodžany tokapryjomnik łakamatyva, raźbityja try akny ŭ vahonie.