Najmienšy ŭ samym maleńkim kaściole: u Biełarusi źjaviŭsia novy arhan

U Biełarusi źjaviŭsia novy arhan — jon ustanoŭleny ŭ katalickim chramie śviatoha Valancina ŭ Smalavičach. Upieršyniu instrumient zahučaŭ na niadzielnaj śviatoj imšy 16 listapada, paviedamiŭ na svajoj staroncy arhanaznaŭca Alaksandr Burdzialoŭ, aŭtar i mastacki kiraŭnik štohadovaha fiestyvalu Ars Magna Organi. Pra heta piša vydańnie Katolik.life.

Fota: facebook.com/aleksandr.burdelev

«Mabyć, u Biełarusi heta samy maleńki kaścioł z duchavym arhanam i samy maleńki spraŭny arhan. Dla nievialikaha abjomu kaścioła hetaha instrumienta bolš čym dastatkova. Jon dobra pasuje dla supravadžeńnia imšy i dla akampaniemientu i hienierał-basu ŭ ansamblevych spałučeńniach», — prakamientavaŭ padzieju Alaksandr Burdzialoŭ.

Instrumient vyrableny niamieckaj firmaj Paschen. Jon nie novy i byŭ dastaŭleny ŭ Smalavičy razabranym, a paśla jaho zmantavali.

Smalavicki kaścioł śviatoha Valancina, darečy — adziny chram u Biełarusi z takim niabiesnym apiekunom.

Paśla taho, jak u lipieni arhan źjaviŭsia ŭ kaściole ŭ Łahišynie Pinskaha rajona, instrumient u Smalavičach staŭ, imavierna, 125-m dziejnym arhanam u Biełarusi.

Kamientary da artykuła