U Połacku vystavili na prodaž futbolny stadyjon
U Połacku vystavili na prodaž futbolny stadyjon «Łakamatyŭ» sa źnižkaj 80%. Takaja infarmacyja źjaviłasia na sajcie «Viciebskabłmajomaści», piša Office Life.
Fota: «Viciebskabłmajomaść»
Pradaŭcom vystupaje Połackaja śpiecyjalizavanaja DIUSŠ alimpijskaha reziervu № 2. Elektronnyja tarhi pryznačanyja na 21 listapada i adbuducca na placoŭcy «BUTB-Majomaść».
Ciapier za abjekt prosiać 167 881 rubiel — u piać razoŭ mienš, čym pieršapačatkova. Stadyjon užo nieadnarazova sprabavali pradać, ale pakupnikoŭ nie znajšłosia. Zadatak składaje 33 576 rubloŭ.
U apisańni adznačana, što stadyjon pabudavany ŭ 1957 hodzie i zajmaje 16 721 m². U jaho ŭvachodziać futbolnaje pole, trybuna, estrada, 23 łaŭki, varoty, słup z pražektarami i inšaje abstalavańnie. Pakupnik taksama atrymlivaje prava arendy ziamielnaha ŭčastka na 30 hadoŭ, ale vykarystańnie terytoryi abmiežavanaje: stadyjon znachodzicca ŭ vodaachoŭnaj zonie voziera Vałova, jakaja maje asablivy pryrodaachoŭny status.
Čytajcie taksama:
Vystavili na prodaž koła ahladu ź minskaha parku Čaluskincaŭ
U Mastoŭskim rajonie pradajuć za simvaličnuju canu dziciačy łahier
U Viciebsku chočuć pradać praz aŭkcyjon častku čyhunačnaha vakzała