Vital Ryžkoŭ anansavaŭ novyja harady, dzie vystupić z paetyčnym stendapam
Na imprezie paet nie tolki začytvaje svaje vieršy, ale i dzielicca cikavymi epizodami z žyćcia biełaruskaj litaraturnaj tusoŭki.
Fota tut i dalej: archiŭ Vitala Ryžkova
Paet Vital Ryžkoŭ praciahvaje jeŭrapiejski tur sa svaim paetyčnym stendapam «Prezientacyja».
U Varšavie vystup budzie ŭžo 19 listapada, u Hdańsku — 30 listapada, u Poznani — 2 śniežnia, va Urocłavie — 3 śniežnia.
5 śniežnia Ryžkoŭ budzie ŭ Bierlinie, 7 śniežnia — u Prazie, 9 śniežnia — u Brnie.
Taksama ŭ śpisie haradoŭ Bracisłava, Viena, Krakaŭ — 11, 12 i 14 śniežnia adpaviedna.
Paezija i historyi «Prezientacyi» Vitala Ryžkova — strakaty śviet pošukaŭ pryhažości i spraviadlivaści va ŭsim tym, što atačaje siońnia kožnaha.
Heta nie prosta čytańnie vieršaŭ, a sapraŭdnaje šou, dzie paet złučaje litaraturnuju tvorčaść z elemientami humaru, asabistymi historyjami i niepasrednym dyjałoham z publikaj. Takim čynam jon łamaje stereatyp, što razmova pra paeziju — heta pra niešta sumnaje i zališnie surjoznaje.
Kvitki i rehistracyja — pa spasyłcy. U niekatorych haradach uvachod volny.
Za svaju tvorčaść Vital Ryžkoŭ atrymaŭ šerah prestyžnych litaraturnych uznaharod i ličycca adnym ź viadučych hałasoŭ svajho pakaleńnia. Jahonyja vieršy ŭ svajoj tvorčaści vykarystoŭvajuć takija znakamityja artysty jak Źmicier Vajciuškievič, Lear, Nizkiz i Dziecuki. Paet maje ŭłasny muzyčny rep-prajekt ANGST, jon taksama ŭdzielnik rep-hurta Belaroots.