Łukašenka daŭ biełaruskaje hramadzianstva 224 inšaziemcam
Alaksandr Łukašenka padpisaŭ ukaz ab pryniaćci ŭ biełaruskaje hramadzianstva 224 čałaviek, u tym liku 16 niepaŭnaletnich.
Fota ilustracyjnaje
Novyja hramadzianie — vychadcy z 17 krain, siarod jakich Armienija, Jehipiet, Kazachstan, Łatvija, Małdova, Rasija, Turcyja, Uźbiekistan. Najbolšaja častka — ludzi, jakija pierajechali z Ukrainy.
Hetyja ludzi pracujuć u roznych śfierach: adukacyi, śfiery absłuhoŭvańnia, sielskaj haspadarcy, budaŭnictvie i inšych napramkach. Siarod ich — doktar i kandydat navuk, jakija vykładajuć u bujnym biełaruskim univiersitecie.
U toj ža čas niekatorym zajaŭnikam, jak paviedamlajecca admovili — jany nibyta nieadnarazova parušali zakanadaŭstva.
U vieraśni pavodle takoha samaha ŭkaza biełaruskija pašparty atrymali 323 čałavieki, u lipieni — 245 čałaviek, u sakaviku — 311.
Čytajcie taksama:
U Biełarusi dazvolać udzielničać u pierapisie nasielnictva z 15 hadoŭ
Polšča admianiła zabaronu na ŭjezd dla Alaksandra Mašenskaha. U jaho znajšłosia hramadzianstva Kipra
Cichanoŭskaja i Marynič źviarnulisia da ŭrada Partuhalii z prośbaj dapamahčy biełaruskim imihrantam