Pieramovy śpiecpasłańnika ZŠA i kiraŭnika ofisa Zialenskaha admianili
Pieramovy śpiecpasłańnika Trampa Styva Uitkafa i kiraŭnika Ofisa prezidenta Ukrainy Andreja Jermaka pavinny byli prajści 19 listapada ŭ Turcyi.
Andrej Jarmak. Fota: AP
Žurnalist The Economist Olivier Kerał napisaŭ u X, što sustreču admianili: «Pieramovy Uitkafa i Jermaka, jakija pavinny byli prajści zaŭtra ŭ Turcyi, admienieny. Mnie skazali, što Uitkaf moh navat nie viedać, u jaki skandał jon moža ŭlapacca, kali zhadžaŭsia na hetuju sustreču»,
Kerał nie ŭdakładniŭ, pra jaki skandał idzie havorka. Mahčyma, idzie havorka pra raskryćcio maštabnaj karupcyjnaj schiemy ŭ ukrainskaj enierhietycy vakoł «Enierhaatama», paviedamlaje «Dožd́».
«Ukrainskaja praŭda» pisała, što paśla rasśledavańnia klučavyja pradstaŭniki ŭłady, nabližanyja da prezidenta, rekamiendujuć Zialenskamu zvolnić Jermaka.
Dyrektar antykarupcyjnaha biuro Ukrainy raniej zajaviŭ, što nie moža ni paćvierdzić, ni abvierhnuć mahčymuju datyčnaść Jermaka da ŭdziełu ŭ schiemie.