Litva ad zaŭtra adkryvaje miažu ź Biełaruśsiu
Z 20 listapada buduć adkryty dva raniej zakrytyja punkty propusku «Miedniki» i «Salečniki».
AP Photo Mindaugas Kulbis, File
U sieradu na pasiadžeńni ŭrada Litvy vyrašana raniej, čym płanavałasia, adkryć dva naprykancy kastryčnika zakrytyja punkty pamiežnaha kantrolu ź Biełaruśsiu, paviedamlaje LRT.
Uličvajučy pryniatyja 18 listapada hetaha hoda rašeńni Nacyjanalnaj kamisii biaśpieki pra toje, što abstaviny źmianilisia i abmiežavańni pierasiačeńnia dziaržaŭnaj miažy, ustanoŭlenyja 29 kastryčnika 2025 h., bolš nie źjaŭlajucca nieabchodnymi dla harantavańnia ŭnutranaj biaśpieki, metazhodna skasavać abmiežavańni, vyznačanyja zhadanaj pastanovaj (…)», — na pasiadžeńni skazaŭ ministr unutranych spraŭ Uładzisłaŭ Kandratovič.
Jak paviedamlałasia raniej, taki krok uradu rekamiendavała razhledzieć Nacyjanalnaja kamisija biaśpieki (NKB), jakaja praviała pasiadžeńnie ŭ aŭtorak.
Premjer-ministr Inha Ruhinienie adznačyła, što kali situacyja z kantrabandnymi pavietranymi šarami, jakija prylatajuć ź Biełarusi, znoŭ pahoršycca, urad pakidaje za saboj prava adnavić zakryćcio miažy.