Litoŭskija pieravozčyki taksama stali pradavać kvitki na rejsy ŭ Biełaruś
Litoŭskija pieravozčyki śledam za biełaruskimi pačali pradavać kvitki na aŭtobusy ŭ Minsk. Heta stała mahčymym paśla taho, jak litoŭski ŭrad vyrašyŭ daterminova adkryć miažu ź Biełaruśsiu, piša Delfi.lt.
Zdymak ilustracyjny. Fota: «Naša Niva»
Kampanija Eurolines (brend Toks) prapanuje aŭtobusy ź Vilni ŭ Minsk pačynajučy z 21 listapada, a kvitki možna nabyć na płatformie eurolines.lt pa 75 jeŭra. U dzień zapłanavana čatyry rejsy: 6:40, 9:00, 12:30 i 13:30.
Prezident Litoŭskaj asacyjacyi pieravozčykaŭ Hintaras Nakucis adznačyŭ, što zapusk aŭtobusnych rejsaŭ u Biełaruś vyhladaje łahičnym krokam, kali miažu adkryvajuć. Miaža ź Biełaruśsiu pavodle siońniašniaha rašeńnia litoŭskaha ŭrada pavinna być adkrytaja na praciahu sutak.
Raniej prodaž kvitkoŭ na rejsy ŭ Litvu i praź Litvu pačało biełaruskaje dziaržaŭnaje pradpryjemstva «Minsktrans».
Litoŭskija kantrolna-prapusknyja punkty ŭ Miednikach i Salečnikach byli zakrytyja z kanca kastryčnika z-za pavieličeńnia vypadkaŭ pavietranaj kantrabandy, jakaja pieraškadžała pracy vilenskaha aeraporta.
Čytajcie taksama:
Aŭtobusami «Minsktransa» na Ryhu i Koŭna možna pajechać užo zaŭtra
Cichanoŭskaja vitała adkryćcio miažy Litvy ź Biełaruśsiu