U Biełarusi atrymali aficyjnaje paviedamleńnie ad Litvy pra adkryćcio miažy
Dziaržpahrankamitet Biełarusi atrymaŭ aficyjnaje paviedamleńnie ad litoŭskaha boku pra toje, što Litva płanuje adkryć dva punkty propusku — «Kamienny Łoh — Miedniki» i «Bieniakoni — Salečniki». Ich źbirajucca adnavić u noč na 20 listapada, z 01:00 pa minskim časie.
Fota: Dziaržaŭny mytny kamitet
Paviedamleńnie ad litoŭskaha boku pastupiła 19 listapada praz pamiežnyja pradstaŭničyja kanały.
Biełaruskaja pamiežnaja słužba zajaviła, što hatovaja adnavić prapusk ludziej i transpartu na miažy ź Litvoj.
U Dziaržaŭnym mytnym kamitecie, u svaju čarhu, paviedamili, što taksama hatovyja da adnaŭleńnia ruchu praz punkty propusku. Usie źmieny ŭkamplektavanyja, nieabchodnaja technika pracuje ŭ narmalnym režymie.
Uvohule, maŭlaŭ, biełaruskija punkty «Kamienny Łoh» i «Bieniakoni» nie spyniali pracu i buduć praciahvać funkcyjanavać jak zvyčajna.
Čytajcie taksama:
Litva nie budzie patrabavać novych sankcyj suprać Biełarusi
Aŭtobusami «Minsktransa» na Ryhu i Koŭna možna pajechać užo zaŭtra
Cichanoŭskaja vitała adkryćcio miažy Litvy ź Biełaruśsiu