Jak stała viadoma «Radyjo Svaboda» ad dypłamatyčnych krynic u Vilni, Litva nie budzie pakul patrabavać novych sankcyj suprać Minsku «za hibrydnuju ataku z vykarystańniem bieśpiłotnych latalnych aparataŭ».
Z adkryćciom miažy ź Biełaruśsiu litoŭski ŭrad vyrašyŭ źmiakčyć rytoryku ŭ dačynieńni da aficyjnaha Minska, kab pahladzieć, nakolki surjoznyja namiery ŭ režymu Łukašenki adnosna deeskałacyi pamiežnaha kanfliktu.
19 listapada ŭrad Litvy pryniaŭ rašeńnie adkryć 20 listapada, raniej za zapłanavany termin, dva punkty propusku na miažy ź Biełaruśsiu, zakrytyja ŭ kancy kastryčnika. Miažu zakryvali praź incydenty z pavietranymi šarami, jakija masava prylatali z boku Biełarusi, pahražajučy avijacyi i hramadskaj biaśpiecy Litvy.
«Apošnim časam my nazirajem značnaje źnižeńnie pierapraŭki kantrabandy pavietranym šlacham, što pryviało da źnižeńnia ryzyki i pahroz dla nacyjanalnaj biaśpieki, hramadzianskaj avijacyi i našaha hramadstva», — zajaviła premjer-ministarka Litvy Inha Ruhinienie.
Jašče dva dni tamu, 17 listapada, na pasiadžeńni Rady Jeŭrasajuza pa ahulnych pytańniach namieśnik ministra zamiežnych spraŭ Litvy Sihitas Mitkus zaklikaŭ razhledzieć novyja sankcyi suprać «adkaznych biełaruskich čynoŭnikaŭ i ŭstanoŭ» za dziejańni, «nakiravanyja na parušeńnie pavietranaj prastory Litvy z vykarystańniem kantrabandnych šaroŭ».
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary