U Nalibockaj puščy pradajecca z aŭkcyjona stary młyn na bierazie raki
Na placoŭcy «BiełJurZabieśpiačeńnie» vystavili na aŭkcyjon stary młyn na ŭskrajku Nalibockaj puščy. Abjekt trapiŭ na prodaž praz zapazyčanaści ŭłaśnika, jakim apošnim časam byŭ indyvidualny pradprymalnik, piša Realt.by.
Fota: e-auction.by
Tarhi pryznačanyja na 4 śniežnia. Reštki młyna acanili ŭsiaho ŭ 1800 rubloŭ (kala 600 dalaraŭ).
Fota: «Płanieta Biełaruś»
Młyn raźmieščany ŭ vioscy Rudnia-Pilnianskaja Staŭbcoŭskaha rajona, prykładna za 70 km ad Minska. Jon staić u centry vioski, na bierazie raki Usa.
Jak śćviardžajuć historyki, pabudova ŭźnikła na miažy XIX i XX stahodździaŭ, ale ŭ saviecki čas była zakinutaja i pastupova razburałasia.
Novy ŭładalnik razam z budynkam płoščaj kala 190 kvadratnych mietraŭ atrymaje i ziamielny ŭčastak u 27 sotak, jaki budzie pieradadzieny ŭ arendu.
Čytajcie taksama:
Vystavili na prodaž koła ahladu ź minskaha parku Čaluskincaŭ
U Mastoŭskim rajonie pradajuć za simvaličnuju canu dziciačy łahier
U Viciebsku chočuć pradać praz aŭkcyjon častku čyhunačnaha vakzała
Pustyja chaty na vioscy dazvolili pradavać sa značnymi źnižkami