Prakuratura zabłakavała sajt ź biełaruskimi knihami i suvienirami
Prakuratura Mahiloŭskaj vobłaści zabłakavała internet-resurs kirma.sh, dzie pradavalisia biełaruskija knihi i suvieniry. Paviedamlajecca, što pryčynaj błakiroŭki stała toje, što na sajcie «prapanoŭvałasia da nabyćcia infarmacyjnaja pradukcyja, pryznanaja ekstremisckimi materyjałami».
Prakuratura piša, što na placoŭcy «Kirma.sh: Biełaruskija knihi z dastaŭkaj pa śviecie» pradavałasia «infarmacyjnaja pradukcyja, pryznanaja ekstremisckimi materyjałami»: knihi Uładzimira Arłova «Ajčyna: Malaŭničaja historyja», Alaksandra Tataranki «Hoŕkije hody: Trahiedija Zapadnoj Biełarusi 1944-1954».
Akramia taho, na sajcie pradavali knihu «Patajemnaja spadčyna. Kazki pra biełaruskich žančyn», vydadzienuju inicyjatyvaj ByProsvet, jakuju raniej pryznali «ekstremisckim farmavańniem».