Łukašenka skazaŭ, što palacić u Mjanmu i Ałžyr, a ŭ śniežni sustreniecca z amierykancami
Alaksandr Łukašenka, prymajučy z dakładam kiraŭnika Administracyi Dźmitryja Krutoha, raskazaŭ pra budučuju vialikuju kamandziroŭku i sustreču z amierykancami, piša BiełTA.
Fota: Evgenia Novozhenina Pool Photo via AP
Adnoj z tem dakłada Dźmitryja Krutoha staŭ hrafik pracy i zamiežnych kamandzirovak.
«Čakajecca vielmi vialikaja kamandziroŭka pa Poŭdni faktyčna płaniety, pačynajučy ad Mjanmy, Amana, Ałžyra i hetak dalej», — skazaŭ Łukašenka.
Jon taksama źviarnuŭ uvahu, što ŭ Kyrhyzstanie projdzie samit ADKB, u jakim jon taksama płanuje pryniać udzieł.
«Kaniec hoda budzie vielmi składanym i ciažkim. Chutčej za ŭsio, jašče ŭ śniežni ŭ nas pieramovy z našymi amierykanskimi partniorami, prynamsi my na heta aryjentujemsia. Tamu hrafik pracy kab byŭ dakładna vyvierany, (kab) ja razumieŭ, dzie ja patrebny, dzie nie patrebny i što my tam možam zrabić», — daručyŭ Alaksandr Łukašenka.