U Bierlinie sudziać biełarusku, jakaja ŭ abychod sankcyj pastaŭlała luksavyja aŭtamabili ŭ Rasiju
Pavodle infarmacyi vydańnia Berliner Zeitung, 47‑hadovaja aŭtadylerka Jaŭhienija P. praz abychodnyja schiemy pradała ŭ Rasiju 257 aŭtamabilaŭ darahich marak — Range Rover, BMW, Mercedes, Audi, Volkswagen, Porsche, a taksama niekalki Tesla. Ahulny košt hetych mašyn pieravyšaje 28 miljonaŭ jeŭra.
Zdymak ilustracyjny. Fota: «Naša Niva»
Bierlinskaja prakuratura miarkuje, što paśla ŭviadzieńnia sankcyj Jeŭrasajuza suprać Rasii žančyna vykarystała svaje kantakty i naładziła pastaŭki aŭto praz pasiarednikaŭ u Biełarusi, Kazachstanie, Kyrhyzstanie i Turcyi. Košt adnaho aŭtamabila składaŭ ad 27 da 265 tysiač jeŭra.
Z sakavika 2025 hoda Jaŭhienija znachodzicca pad vartaj. Prakuratura patrabuje spahnać ź jaje ŭsie naniesienyja straty — 28 miljonaŭ jeŭra.
Vynieści prysud płanujuć u studzieni 2026 hoda.
Čytajcie taksama:
U Polščy zatrymali hrupoŭku, jakaja pa-za sankcyjami pierahaniała luksavyja aŭto ŭ Biełaruś i Rasiju
Šmat Porsche, Bentley, «hieliki» — minskaja mytnia zastaŭlenaja daražeznymi aŭto
U Hiermanii raskryli schiemu vyvazu luksavych aŭtamabilaŭ u Biełaruś i Rasiju