U Hiermanii raskryli schiemu vyvazu luksavych aŭtamabilaŭ u Biełaruś i Rasiju
U Hiermanii vyjavili schiemu niezakonnaha vyvazu darahich aŭtamabilaŭ u Biełaruś i Rasiju ŭ abychod sankcyj. Pa padazreńni ŭ hetym zatrymali 39-hadovaha mužčynu kazachskaha pachodžańnia, piša Reform.news sa spasyłkaj na niamieckuju mytniu.
Śpiecapieracyju praviali 13 traŭnia ŭ rehijonie Valdek-Frankienbierh supracoŭniki Mytnaha kryminalnaha ŭpraŭleńnia Frankfurta-na-Majnie pad kiraŭnictvam prakuratury. U vyniku pieratrusaŭ kanfiskavali 21 darahi aŭtamabil, matacykł, preparaty dla pavyšeńnia patencyi, elektrašokier i navat hałavu krakadziła. Ahulny košt majomaści aceńvajecca ŭ jak minimum 1,3 miljona jeŭra.
Śledstva ličyć, što aŭtamabili viadomych brendaŭ nielehalna pierapraŭlalisia ŭ pamiežnyja ź Biełaruśsiu i Rasijaj krainy, a paśla pierapraŭlalisia dalej. Mytniki padazrajuć, što takich vypadkaŭ było kala 700, a ahulnaja vartaść vyviezienaj techniki składaje prykładna 25 miljonaŭ jeŭra.
Zatrymanaha abvinavačvajuć u parušeńni zakonaŭ ab źniešnieekanamičnaj dziejnaści, ab achovie dzikaj pryrody, a taksama ŭ niezakonnym zachoŭvańni miedycynskich preparataŭ, dopinhavych materyjałaŭ i zbroi.
Kamientary