U fiederacyi futbołu razhladajuć varyjant źmianšeńnia kamand u čempijanacie krainy
Kolkaść kamand, jakija ŭdzielničajuć u vyšejšaj lizie, moža źmianicca.
Fota: football.by
U kabinietach Doma futboła razhladajuć varyjant refarmavańnia elitnaha dyvizijona biełaruskaha čempijanata, piša football.by.
Zhodna ź im, u siezonie—2026 z vyšejšaj lihi buduć vylatać try kamandy, a ź pieršaj padymacca adna, i ŭ čempijanacie-2027 zhulajuć 14 kalektyvaŭ. Ale heta moža być tolki častkaj abnaŭleńniaŭ — i da 2028 hoda vyšejšaja liha moža być urezanaja da 12 kamandaŭ.
Takoje z našym čempijanatam užo adbyvałasia. Pastupovaje «zvužeńnie» zdarałasia ŭ 2009—10 hadach (spačatku z 16 da 14, zatym z 14 da 12 kłubaŭ).
I kali stała 12 kamand, to čempijanat ładziŭsia ŭ dva etapy. Spačatku zvyčajnyja dva kruhi, i tady było 22 tury, a potym kamandy raźbivalisia na dźvie šaściorki i hulali jašče 10 turaŭ. Pry 16 kłubach pravodzicca 30 turaŭ.
U 2015—16 hadach kolkaść kamandaŭ takim ža čynam viarnułasia da 16.