Praciŭniki Cichanoŭskaj sabralisia na «Schod nieabyjakavych» u Vilni
Siońnia ŭ Siejmie Litvy adkryŭsia «Schod nieabyjakavych» — forum, arhanizavany aktyvistami — krytykami Śviatłany Cichanoŭskaj, piša Reform.news.
U pačatku mierapryjemstva adzin z arhanizataraŭ i v.a. staršyni «Narodnaj hramady» Jaŭhien Vilski padziakavaŭ śpikieru litoŭskaha Siejma Juozasu Alekasu. Litoŭski palityk vystupiŭ z karotkim słovam i pakinuŭ mierapryjemstva. Jon pryvitaŭ udzielnikaŭ foruma i prapanavaŭ im skarystacca haścinnaściu litoŭskaha parłamienta. Olekas padkreśliŭ, što Litvie važna, kab Biełaruś była demakratyčnaj.
U «Schodzie nieabyjakavych» taksama pryniaŭ udzieł litoŭski jeŭradeputat Piatras Aŭštravičus (Libieralny ruch, hrupa JEP Renew Europe). Adnym z ekśpiertaŭ vystupiŭ były deputat Siejma palitołah Rajmundas Łapata.
Heta ŭžo druhi «Schod nieabyjakavych». Pieršy adbyŭsia ŭ Varšavie sioleta ŭ červieni.