Na čyhunačnych rejkach u Polščy znajšli patrony, złučanyja drotam
U Polščy na rejkach znajšli dva chałastyja patrony biez kul, złučanyja drotam, paviedamili ŭ palicyi Vialikapolskaha vajavodstva.
«U rajonie horada Ostraŭ-Vielkapolski na adramantavanych puciach niechta padkłaŭ vintovačnyja patrony, viadomyja jak chałastyja. Na našu dumku, heta pravakacyja i pravierka śpiecsłužbaŭ. My znojdziem hetaha čałavieka i pryciahniem jaho da kryminalnaj adkaznaści», — havorycca ŭ paviedamleńni.
17 listapada ŭ Polščy adbyłasia dyviersija na čyhuncy — vybuchovaje prystasavańnie spracavała i razburyła čyhunnaje pałatno. U jaje arhanizacyi padazrajuć rasijskija śpiecsłužby.