U Polščy adrazu dvuch biełaruskich dalnabojščykaŭ złavili pjanymi za rulom
Dvuch hramadzian Biełarusi polskaja palicyja zatrymała za kiravańnie hruzavikami ŭ pjanym stanie. 38‑hadovy kiroŭca mieŭ u kryvi amal 2 pramile ałkaholu, a 39‑hadovy — bolš za adno pramile. Abodva jechali ŭ napramku polskaj miažy, paviedamlaje adździeł palicyi ŭ Biała-Padlascy.
Fota: biala-podlaska.policja.gov.pl
Incydent adbyŭsia ŭviečary 19 listapada: supolny narad palicyi ź Lublina i darožnaj inśpiekcyi ź Biała-Padlaski spyniŭ abodvuch kiroŭcaŭ i źmiaściŭ ich u izalatar. Mužčynam užo vystavili abvinavačańni ŭ kiravańni transpartnymi srodkami ŭ stanie ałkaholnaha apjanieńnia. Palicyja taksama kanfiskavała ŭ ich hrošy ŭ lik mahčymych štrafaŭ i pakarańniaŭ.
Kiravańnie ŭ niećviarozym stanie u Polščy moža pryvieści da pazbaŭleńnia voli terminam da troch hadoŭ, a taksama da surjoznych finansavych sankcyj.
Čytajcie taksama:
Biełaruski dalnabojščyk u Ispanii trapiŭ u palicyju z cełym bukietam parušeńniaŭ
Pjany biełaruski dalnabojščyk ledź nie ŭrezaŭsia ŭ handlovy centr u Polščy. Jaho departavali
Pad Urocłavam pjany biełaruski dalnabojščyk paralizavaŭ cełuju trasu