Pad Urocłavam pjany biełaruski dalnabojščyk paralizavaŭ cełuju trasu
Ranicaj 3 kastryčnika ruch na aŭtadarozie A8 pad Urocłavam u Polščy byŭ paralizavany bujnoj aŭtaavaryjaj z udziełam hruzavika. Za jaho rulom byŭ niećviarozy biełarus.
Kala 6‑j hadziny ranicy 44‑hadovy hramadzianin Biełarusi, kiroŭca hruzavika Scania, urezaŭsia ŭ raździalalnuju aharodžu. U vyniku mašynu raźviarnuła papiarok darohi, a ruch u bok Varšavy byŭ całkam zabłakavany. Akramia taho, fura źbiła słup, jaki ŭpaŭ na sustrečnuju pałasu, što jašče bolš uskładniła ruch u napramku z Varšavy va Urocłaŭ.
Kiroŭca hruzavika padčas avaryi atrymaŭ traŭmy, ale miedyki akazali jamu dapamohu. Pravierka ałkatestaram pakazała, što mužčyna byŭ mocna pjany — pryłada zaśviedčyła najaŭnaść u jaho kryvi dvuch pramile ałkaholu.
Jak paviedamlajecca, kiroŭca sprabavaŭ źjechać z raźviazki, ale nie spraviŭsia z kiravańniem, što i pryviało da avaryi.
Zator u bok Urocłava raściahnuŭsia na 20 kiłamietraŭ, a ruch u bok Varšavy byŭ uskładnieny na ŭčastku kala 9 kiłamietraŭ.
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma5
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary