U Horackim rajonie mužčyna vyratavaŭ na pažary dvuch susiedskich dziaciej
Dniom 21 listapada ŭ ahraharadku Aŭsianka Horackaha rajona zahareŭsia pryvatny dom. Kali prybyli ratavalniki, dym užo byŭ vielmi hustym. U chacie znachodzilisia dvoje dziaciej, jakich z zadymlenaha pamiaškańnia vyratavaŭ susied, paviedamlaje MNS.
Siarhiej Šyndzikaŭ, jaki ŭratavaŭ z pažaru dvuch małych dziaciej
Susiedzi patelefanavali ratavalnikam. Viadoma, što ŭ chacie žyła šmatdzietnaja siamja. Susied, jaki staŭ śviedkam zdareńnia, kinuŭsia ŭ chatu i vyratavaŭ dziaciej — dvuchhadovuju dziaŭčynku i trochhadovaha chłopčyka. Miedyki ahledzieli dziaciej i špitalizavali ich.
Vyratavaŭ dziaciej mužčyna pa imieni Siarhiej Šyndzikaŭ. Na videa MNS jon raskazaŭ, što, vyjšaŭšy z chaty, ubačyŭ dym i pačuŭ kryki, što tam zastalisia dvoje dziaciej. Jon zabieh u dom, dzie praz dym amal ničoha nie było vidać, pačuŭ pisk z susiedniaha pakoja i znajšoŭ tam dziaciej, paśla čaho vyciahnuŭ ich na dvor.
Pažar likvidavali, pryčyna ŭzharańnia vyśviatlajecca.
Čytajcie taksama:
U Minsku byŭ pažar u biznes-centry
Pažarniki likvidavali pažar u kvatery ŭ Minsku
Mama z dvuma dziećmi ŭ Hłybockim rajonie vyjšła z doma, dzie byŭ pažar, ale tam zastavałasia babula