«Niama na što hladzieć». Sarkazi, jaki 20 dzion prabyŭ u turmie, užo napisaŭ knihu na 200 staronak pra heta
Były prezident Francyi Nikala Sarkazi vydaje knihu pra svajo źniavoleńnie, jakoje doŭžyłasia 20 dzion. Vydańnie abjomam 216 staronak pastupić u prodaž 10 śniežnia pad nazvaj «Dziońnik źniavolenaha» (Le journal d’un prisonnier).
Były prezident Francyi Nikala Sarkazi i jahonaja žonka Karła Bruni-Sarkazi nakiroŭvajucca ŭ turmu. Fota: AP Photo / Thibault Camus
Sarkazi, jakomu prysudzili piać hadoŭ (ź ich častku ŭmoŭna) za złačynnuju zmovu i niezakonnaje finansavańnie kampanii 2007 hoda livijskimi hrašyma, padzialiŭsia svaimi ŭražańniami ad znachodžańnia ŭ kamiery.
«U turmie niama na što hladzieć i niama čaho rabić. Ja zabyvajusia pra cišyniu, jaje tam niama. Na žal, šum tam pastajanny», — paskardziŭsia Sarkazi ŭ knizie.
Niahledziačy na ciažkaści, były prezident adznačyŭ, što termin u turmie «zahartoŭvaje» čałavieka.
«Ja nikoli nie dumaŭ, što ŭ 70 hadoŭ spaznaju, što takoje turma. Mnie vynieśli taki prysud, — napisaŭ Sarkazi. — Heta ciažka, vielmi ciažka. Upeŭnieny, heta tyčycca kožnaha źniavolenaha. Ja b navat skazaŭ, što heta vymotvaje».
Sarkazi prabyŭ u turmie z 21 kastryčnika pa 10 listapada. Jaho vyzvalili pry ŭmovie, što jon nie pakinie Francyju i nie budzie kantaktavać ź inšymi abvinavačanymi i šeraham słužbovych asob.
Pakolki Sarkazi pravioŭ za kratami prykładna 20 dzion, na kožnyja sutki źniavoleńnia prypadaje kala 10 staronak jahonaj knihi.