Unačy aeraport Vilni znoŭ zakryvali praz šary ź Biełarusi
Za apošnija 12 hadzin aeraport u stalicy Litvy zakryvali dvojčy.
Vilenski aeraport. Fota: vilnius-airport.lt
Spačatku pavietranaja havań była zakrytaja z 18:55 da 00:25, a potym aeraport byŭ zakryty z 01.40 da 03:25.
Rašeńnie ab abmiežavańniach pavietranaj prastory taksama byli vyklikanyja abjektami, padobnymi da pavietranych šaroŭ, što ruchalisia ŭ napramku Vilenskaha aeraporta, paviedamiŭ aeraport u svaim fejsbuku.
Praź nieadnarazovyja paloty pavietranych kantrabandnych šaroŭ ź Biełarusi ŭ kastryčniku Vilenski aeraport zakryvaŭsia niekalki razoŭ, što pryvodziła da admieny ci pieranakiravańnia niekalkich dziasiatkaŭ rejsaŭ.
U vyniku z 26 kastryčnika da 20 listapada ŭrad Litvy zakryvaŭ miažu ź Biełaruśsiu. 20 listapada miaža była adkryta daterminova, bo płanavałasia zakryćcio da kanca miesiaca, ale premjer Inha Ruhinienie nie vyklučyła, što miaža znoŭ budzie zakrytaja.