Krupko raskazaŭ pra płany pa budaŭnictvie dniaproŭskich kanałaŭ, kolki heta budzie kaštavać i ŭ čym hałoŭnaja prablema
Niadaŭna Alaksandr Łukašenka aburyŭsia, što vada z Prypiaci ciače va Ukrainu i zahadaŭ hetuju vadu «paviarnuć nazad». Ab płanach pa vykarystańni račnych vod dla arašeńnia Homielščyny, raskazaŭ na STB Ivan Krupko, staršynia Homielskaha abłvykankama.
Krupko kaža, što ideja heta — ź minułaha. Kali była vializnaja kraina pad nazvaj Saviecki Sajuz, pabudavali vialikaje vadaschovišča, tak zvanaje Dniaproŭska-Brahinskaje vadaschovišča.
Ideja była takaja: uziać pompavymi stancyjami vadu, kali idzie rastavańnie śniehu i padnimajecca vyšynia Dniapra, zapampavać vialikaje schovišča i potym arašać ziamlu. Pabudavanyja bujnaja stancyja, schovišča na 50 miljonaŭ kubičnych mietraŭ vady. I apošniaje ŭ pracoŭnym stanie, śćviardžaje Krupko.
Ale nie zroblenaja samaja hałoŭnaja častka — nie vybudavanyja kanały, jakija mohuć arašać pali, kaža jon.
Košt prajektu składaje kala 175 miljonaŭ biełaruskich rubloŭ, kaža Krupko.
Krupko tłumačyć, što raz na 10 hadoŭ zdarajecca surjoznaje padtapleńnie na Homielščynie. Čatyry razy ŭ 5 hadoŭ iduć bujnyja zasuchi: majskaja — červieńskaja i kaniec lipienia — pačatak žniŭnia. Faktyčna ŭkładzienyja ŭhnajeńni, nasieńnie, praca sielanina pry niedachopie vilhaci zvodziacca na ništo.
55 miljonaŭ kuboŭ vady — heta mahčymaść arašyć ad 11 da 15 tysiač hiektaraŭ ziamli.
Ale jość prablema — niama viedaŭ, jak heta pabudavać.
«Zastajecca samaja jakasnaja zadača: jak heta vyrašyć? Pryjšłosia vyvučyć pracu mielijarataraŭ, jakija pracavali jašče ŭ saviecki čas, pahladzieć staryja karty i sabrać usich ad hetaj častki i zrabić pieradprajektnuju dakumientacyju, jak my heta bačym», — kaža Krupko.
Jon dadaŭ, što płanujecca vykarystoŭvać kitajski vopyt.
Raspracoŭka prajekta «pad kluč» moža zaniać 3 hady.