Ukraina pahadziłasia abmiežavać armiju da 800 tysiač čałaviek
Ukraina vykazała hatoŭnaść abmiežavać kolkaść svaich Uzbrojenych sił 800 tysiačami vajskoŭcaŭ dla dasiahnieńnia miru z Rasijaj u ramkach mirnaha płana ZŠA, paviedamili Financial Times vysokapastaŭlenyja čynoŭniki, blizkija da prezidenta Ukrainy Uładzimira Zialenskaha. Pa ich słovach, u liku niavyrašanych pytańniaŭ zastalisia terytaryjalnyja, a taksama harantyi biaśpieki z boku amierykancaŭ.
Fota ilustracyjnaje
Da ŭvarvańnia Rasii ŭkrainskaja armija naličvała kala 250 tysiač bajcoŭ, a ciapier — 880 tysiač. Navat pry skaračeńni jana zastaniecca najbujniejšaj u Jeŭropie.
Rasija na pieramovach u Stambule ŭ 2022 hodzie patrabavała, kab kolkaść USU zrezali da 85 tysiač vajskoŭcaŭ u mirny čas.
Raniej stała viadoma, što Ukraina pahadziłasia z płanam ZŠA ab zaviaršeńni vajny z Rasijaj. Amierykanski čynoŭnik zajaviŭ CBS News, što zastalisia tolki «niaznačnyja detali, jakija nieabchodna ŭdakładnić».
Čytajcie taksama:
U ZŠA zajavili, što Ukraina pahadziłasia ź mirnym płanam Trampa
Umieraŭ: Kijeŭ i Vašynhton dasiahnuli «ahulnaha razumieńnia» pa klučavych umovach mirnaha płana
Zialenski: Mnohija punkty byli ŭličanyja ŭ płanie pa Ukrainie
Ź mirnaha płana Trampa prybrali punkt pra zamarožanyja rasijskija aktyvy