Ź mirnaha płana Trampa prybrali punkt pra zamarožanyja rasijskija aktyvy
Pa infarmacyi ahienctva Bloomberg, namieśnik kiraŭnika Ofisa prezidenta Ukrainy Ihar Brusiła paviedamiŭ, što najbolš składanyja pytańni — u tym liku mahčymyja terytaryjalnyja sastupki — buduć abmiarkoŭvać asabista prezidenty Ukrainy i ZŠA Uładzimir Zialenski i Donald Tramp.
Ciapier pieramoŭnyja hrupy pracujuć nad padrychtoŭkaj sustrečy lidaraŭ. Siabroŭstva Ukrainy ŭ NATA taksama zastajecca ŭ paradku dnia i moža stać častkaj budučych harantyj biaśpieki.
Tym časam Uładzimir Pucin abmierkavaŭ amierykanskija prapanovy z prezidentam Turcyi Redžepam Taipam Erdahanam i zajaviŭ, što jany adpaviadajuć raniejšym abmierkavańniam na amierykanska-rasijskim samicie na Alascy i mohuć być pakładzienyja ŭ asnovu mirnaha pahadnieńnia.
Paśla pieramoŭ u Ženievie 23 listapada Ukraina i ZŠA skarektavali ramačny dakumient — jon skaraciŭsia z 28 da 19 punktaŭ.
Jeŭrapiejskija čynoŭniki raskazali Bloomberg, što z apošniaj viersii źnik punkt pra 100 miljardaŭ dalaraŭ z zamarožanych rasijskich aktyvaŭ, jakija mierkavali nakiravać na adnaŭleńnie Ukrainy. Pavodle pieršapačatkovaj prapanovy, pałovu prybytku ad prajektaŭ atrymlivali b ZŠA, a druhaja pałova pavinna była pierachodzić u rasijska-amierykanski inviestfond, kab stymulavać Rasiju nie adnaŭlać vajnu.
Jeŭrapiejskija partniory adznačyli, što administracyja Trampa pačała bolš ščylna ź imi kansultavacca, bo papiaredni varyjant płana staŭ dla Jeŭropy niečakanaściu.
Ihar Brusiła padkreśliŭ, što pieramovy jašče praciahvajucca, a ŭsie klučavyja pytańni pavinny buduć uzhadnić try asoby: Uładzimir Zialenski, Donald Tramp i Uładzimir Pucin.
Abjadnany pierachodny kabiniet padtrymaŭ raspracoŭku mirnaha płana dla Ukrainy i zaklikaŭ nie zabyvacca pra Biełaruś
U płanie Trampa pa Ukrainie z 28 punktaŭ zastałosia 19
Źjaviŭsia płan Jeŭropy pa zakančeńni vajny va Ukrainie — poŭny tekst
28 punktaŭ «mirnaha płana» ZŠA — poŭny śpis
Kirył Dźmitryjeŭ: chto hety bankir, jaki staŭ niečakanym pasłańnikam Pucina ŭ Vašynhtonie i suaŭtaram mirnaha płana Trampa
Kamientary
Chopić ŭžo hulać ŭ hulniu " Pu žadaje miru " . Pračnisia.