Pjany biełarus na pamiežnym punkcie propusku źbiŭ lichtar. Jaho mohuć departavać

Palicyjanty ŭ polskim Terespali zatrymali 43‑hadovaha hramadzianina Biełarusi, jaki kiravaŭ hruzavikom u stanie mocnaha apjanieńnia — u jaho było amal 3 pramile ałkaholu. U takim stanie jon zajechaŭ na terytoryju terminała na pamiežnym pierachodzie, dzie paškodziŭ lichtar i sutyknuŭsia ź inšaj furaj.

Fota: biala-podlaska.policja.gov.pl

Paśla nieabchodnych pracedur mužčynu pieradali Pamiežnaj słužbie ŭ Terespali, bo ŭ dačynieńni jaho raspačali praces, jaki moža pryvieści da vysyłki z Polščy.

Incydent adbyŭsia 24 listapada, kali padčas pamiežnaj pravierki supracoŭniki zaŭvažyli, što kiroŭca hruzavika moža być pjany. Na vyklik adrazu prybyli palicyjanty, jakija paćvierdzili padazreńnie i zatrymali mužčynu. Pravierka pakazała, što ŭ jaho kryvi amal 3 pramile ałkaholu. Vyśvietliłasia, što jon užo na terytoryi terminała paškodziŭ lichtar i staŭ udzielnikam drobnaj avaryi.

Zatrymanaha źmiaścili ŭ izalatar. Jamu ŭžo vystavili abvinavačańnie ŭ kiravańni transpartam u stanie apjanieńnia, a taksama kanfiskavali hrošy ŭ jakaści zabieśpiačeńnia mahčymych štrafaŭ. Pakolki biełarus surjozna parušyŭ zakon, palicyja nakiravała ŭ Pamiežnuju słužbu chadajnictva ab jaho viartańni ŭ krainu pachodžańnia. U hetaj spravie raspačataja administratyŭnaja pracedura.

Kamientary da artykuła