14‑hadovy školnik skraŭ z kvatery znajomaj 100 tysiač dalaraŭ i paśpieŭ patracić 70 tysiač
Jamu pahražaje da 12 hadoŭ pazbaŭleńnia voli, paviedamlaje pres-słužba MUS.
Pra źniknieńnie siamiejnych źbieražeńniaŭ z kvatery ŭ milicyju paviedamiŭ minčuk. Apieratyŭniki vyśvietlili, što da kradziažu datyčny 14‑hadovy školnik, jaki ździejśniŭ kradziež u dva etapy.
Upieršyniu jon pabyvaŭ u kvatery ŭ vieraśni na viečaryncy, arhanizavanaj dačkoj paciarpiełaha. Skarystaŭšy momant, vykraŭ z tumbački kala łožka ŭ spalni kala $19 tysiač, pryčym tady źniknieńnia nichto nie zaŭvažyŭ. U listapadzie dzieviacikłaśnik znoŭ pabyvaŭ u kvatery na viečaryncy i skraŭ kala 80 tysiač jeŭra. Tolki paśla hetaha zaŭvažyli, što źnikli hrošy.
Raźmianiać valutu školnik prasiŭ paŭnaletnich znajomych. Hrošy traciŭ na zabavy i darahija pakupki, u pryvatnaści, nabyćcio brendavaha adzieńnia. Jaho baćki nie padazravali pra toje, što zdaryłasia, bo źjaŭleńnie novych rečaŭ junak tłumačyŭ tym, što mianiaŭsia imi ź siabrami. Kala 22 tysiač jeŭra kanfiskavany i viernuty zakonnamu ŭładalniku.
Zaviedziena kryminalnaja sprava za kradziež u asabliva bujnym pamiery.
Adkaznaść pa ŭkazanym artykule nastupaje z 14‑hadovaha ŭzrostu, maksimalnaje pakarańnie — 12 hadoŭ pazbaŭleńnia voli.