Łukašenka palacieŭ u Mjanmu
Alaksandr Łukašenka vylecieŭ z Kyrhyzstana ŭ Mjanmu z dvuchdzionnym aficyjnym vizitam.
Fota: Alexei Nikolsky, Sputnik, Kremlin Pool Photo via AP
Zapłanavanyja aficyjnyja pieramovy ŭ vuzkim i pašyranym składzie ŭ stalicy Mjanmy Najpjida. Łukašenka i v. a. prezidenta Mjanmy staršynia Kamisii nacyjanalnaj biaśpieki i miru Min Aun Chłajn abmiarkujuć «pierśpiektyŭnyja kirunki dvuchbakovaj uzajemadziejańnia i realizacyju sumiesnych prajektaŭ», paviedamlaje pres-słužba Łukašenki.
Baki buduć abmiarkoŭvać raźvićcio supracoŭnictva ŭ śfiery sielskaj haspadarki i charčovaj biaśpieki, pramysłovaści, farmaceŭtyki, a taksama humanitarnaha supracoŭnictva.
Taksama ŭ ramkach zamiežnaha turne Łukašenka źbirajecca naviedać Aman i Ałžyr.