Łukašenka: Usie zhodny na pieramovy ŭ Biełarusi, akramia Zialenskaha
Alaksandr Łukašenka zajaviŭ, razmaŭlajučy z žurnalistami ŭ Biškieku, što nie imkniecca być pasiarednikam pamiž Ukrainaj i Rasijaj, ale na mirnyja pieramovy ŭ Minsku nibyta ŭsie zhodny, akramia Uładzimira Zialenskaha.
Alaksandr Łukašenka i prezident Kyrhyzstana Sadzir Žaparaŭ na samicie ŭ Biškieku. Fota: Contributor / Getty Imagses
«Ja nie lublu nijakaha pasiarednictva. Nu jaki ja budu pasiarednik? My ž ahresary z Uładzimiram Uładzimiravičam. Vy ž čujecie: usie zhodny vieści pieramovy ŭ Biełarusi, supracoŭničać ź Biełaruśsiu, akramia Vałodzi Zialenskaha. Ja ŭ čym jamu nasaliŭ tak? Tamu ja nie imknusia da hetaha. Ale ja ŭčora skazaŭ, kali heta treba, a heta samy aptymalny momant, i dla taho, kab vypravić toje, što było tady, u narmandskaj hetaj čaćviorcy, kali jeŭrapiejcy pryjazdžali biez ZŠA, samaje narmalnaje pytańnie: viarnucca abo praciahnuć tyja pieramovy, jakija byli praviedzieny tady, u 2015 hodzie. Kali tak, kali łaska, łaskava prosim. Budziecie vy ŭ pieršych radach», — zajaviŭ Łukašenka.