BIEŁ Ł RUS

«Lidskaje piva» vydała nastolny kalandar na biełaruskaj movie

27.11.2025 / 17:14

Nashaniva.com

Da 150‑hodździa zavoda «Lidskaje piva» kampanija vypuściła abmiežavanuju sieryju nastolnaha kalendara na biełaruskaj movie. Heta pieršaja sumiesnaja rabota brenda z prajektam Yearee i pieršy padarunkavy kalandar, jaki moža nabyć luby achvotny, piša Office Life.

Fota: «Lidskaje piva»

U kalendary sabranyja karotkija natatki i nazirańni pra pivavarstva, pryjemnyja dumki i žyćciovyja parady — usio pa-biełarusku. Kožny listok stvaraje novy nastroj i prapanuje svoj emacyjny akcent.

Akramia taho, dla kožnaha miesiaca padabranyja niezvyčajnyja kulinarnyja idei: cikavyja spałučeńni praduktaŭ i recepty — ad halonki i sousaŭ da biramisu i maroziva na asnovie piva. Pa QR-kodzie možna trapić na videarecept i pryhatavać stravu doma.

Dyzajn kalendara taksama nietradycyjny: u im spałučajucca aŭtarskija ilustracyi i sučasnyja fota, mnohija ź jakich zrabili supracoŭniki pradpryjemstva. U kalendary jość i historyi 13 rabotnikaŭ brovara, u jakich u 2026 hodzie adbuducca asabistyja abo prafiesijnyja jubilei.

Usiaho vyjdzie 600 asobnikaŭ. Nabyć ich možna budzie ŭ Muziei lidskaha brovara abo na sajcie Yearee.by.

Čytajcie taksama:

Vyjšaŭ kalandar z mastackimi fotazdymkami Minska pačatku 2000-ch

Novaziełandskija žančyny-pažarnyja vypuścili svoj pieršy eratyčny kalandar

Ci možna apjanieć ad cukierak «Staličnyja» i maroziva z takoj ža načynkaj? Voś što pakazaŭ ekśpierymient

Kamientary da artykuła