U centry Minska źjaviŭsia chab, dzie možna zaradžać 22 elektraaŭtamabili adnačasova
U Minsku adkryli adzin z najbujniejšych u Biełarusi zaradnych chabaŭ.
16 stancyj zdolnyja adnačasova absłuhoŭvać 22 elektramabili, piša Av.by.
Chab raźmiaściŭsia na trecim paviersie parkinhu HZC Galleria Minsk sa ŭjezdam z boku vulicy Dzimitrava. Jon składajecca z 16 zaradnych stancyj i maje sumarnuju mahutnaść 1,3 MVt. Usie stancyi abstalavanyja kanektarami CCS i GB/T dla aŭtamabilaŭ jeŭrapiejskaj i kitajskaj vytvorčaści.
Usiaho ŭ chab uvajšli try typy EZS u zaležnaści ad mahutnaści. Samyja chutkija ź ich — 5 stancyj mahutnaściu 160 kVt: kožnaja padtrymlivaje adnačasovuju zaradku dvuch elektramabilaŭ. Jašče adna — na 80 kVt — taksama raźličanaja na dva aŭtamabili.
Ich dapaŭniajuć 10 stancyj na 40 kVt: da kožnaj možna padklučyć pa adnym elektrakary z dapamohaj luboha kanektara. Dla ŭładalnikaŭ elektramabilaŭ na parkinhu dziejničajuć try hadziny biaspłatnaj stajanki. Taryfy na zaradku standartnyja — 0,65 rub. za kVt·h. Prapracoŭvajecca ŭviadzieńnie načnoha taryfu.