U Breście sa straŭnika chvoraha busła dastali kiłahram ziamli i kamianioŭ

U brescki centr ratavańnia dzikich žyvioł «Dom bresckaha busła» dastavili ciažka chvoraha busła, jaki piać dzion ničoha nie jeŭ. Ludzi, u jakich jon žyŭ raniej, raskazali, što sprabavali lačyć ptušku samastojna, piša Blizko.by.

Pry ahladzie vyśvietliłasia, što ŭ dziubie busła zastalisia reštki kambikormu, a haspadary davali busłu aliŭkavy alej, marhancoŭku i navat kamiani — jany paličyli, što hetaha patrabuje stravavańnie, bo tak robiać u dohladzie za kurami. Adnak u vypadku busłoŭ taki padychod — niebiaśpiečny, i mienavita jon pryvioŭ ptušku da ciažkaha stanu.

Padčas vieterynarnych pracedur z buślinaha straŭnika dastali bolš za kiłahram ziamli, piasku, kamianioŭ i ślizi. Paśla pramyvańnia žyviolinie zrabili nieabchodnyja analizy i pryznačyli lačeńnie.

U centry spadziajucca, što busieł, jakomu dali mianušku Kamniajed, chutka adnovicca i zmoža pierasialicca ŭ valjer da inšych ptušak.

Kamientary da artykuła