U centry Hrodna niekalki dzion tamu źjaviŭsia busieł, jaki nie śpiašaŭsia adlatać u vyraj i navat nie bajaŭsia ludziej. Jaho bačyli na płoščy Lenina, u parku Žylibiera, a taksama jak jon spakojna pierachodziŭ darohu pa «ziebry». Videa z ptuškaj chutka razyšlisia ŭ tyktoku.
Žychary horada zaniepakoilisia: zvyčajna busły pakidajuć Biełaruś u žniŭni-vieraśni, tamu prysutnaść ptuški ŭ horadzie vyhladała dziŭna. Ludzi padazravali, što jon moh traŭmavacca abo dezaryjentavacca.
Haradžanie niekalki razoŭ sprabavali vyklikać słužby, i tolki z čaćviortaj sproby na miesca pryjechali ratavalniki i zabrali busła. Kudy mienavita jaho advieźli — pakul nieviadoma.
Zvyčajna traŭmavanych ptušak u Hrodnie pieradajuć u zaapark. Tam ich lečać, a kali dazvalaje stan — viasnoj vypuskajuć na volu. Ale tyja, što ŭžo nie mohuć lotać, zastajucca tam nazaŭždy.
Śpiecyjalisty nahadvajuć: kali vy sustreli dzikuju žyviolinu, jakaja vyhladaje paranienaj abo dezaryjentavanaj u haradskich umovach, treba paviedamlać u MNS ci milicyju, a nie sprabavać dapamahać samastojna. Apošniaje moža być niebiaśpiečna i dla žyvioliny, i dla ludziej.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali30
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary