Na litoŭskaj miažy zatrymali biełarusa, jakoha šukała Hiermanija
U punkcie propusku «Miedniki» litoŭskija pamiežniki zatrymali biełarusa, abvieščanaha ŭ mižnarodny vyšuk pravaachoŭnymi orhanami Hiermanii. Jaho pieradali palicyi Vilni, paviedamlaje Słužba achovy dziaržaŭnaj miažy Litvy.
Pamiežniki vyśvietlili, što 35‑hadovy hramadzianin Biełarusi, pasažyr aŭtamabila z rasijskimi numarami, znachodzicca ŭ vyšuku Hiermanii. U jaho pašparcie była šenhienskaja viza, a pravierka pakazała, što miesiac tamu Hiermanija vydała jeŭrapiejski ordar na jaho aryšt.
Kiroŭcu i druhomu pasažyru dazvolili praciahnuć šlach dalej, a biełarusa źmiaścili ŭ časovuju kamieru. Padčas ahladu ŭ jaho rečach znajšli noŭtbuk, telefon i bolš za 6 tysiač jeŭra.
Sioleta supracoŭniki litoŭskaj pamiežnaj słužby ŭžo zatrymali 749 čałaviek, jakich šukali za złačynstvy abo parušeńni. Bolšaść zatrymanych — hramadzianie Litvy, ale taksama byli hramadzianie Rasii, Vialikabrytanii, Biełarusi, Łatvii i inšych krain.
Čytajcie taksama:
U Polščy zatrymali za špijanaž troch biełarusaŭ i dvuch ukraincaŭ
Pjany biełarus na pamiežnym punkcie propusku źbiŭ lichtar. Jaho mohuć departavać