Śpiecsłužby Polščy zatrymali troch hramadzian Biełarusi i dvuch ukraincaŭ za supracoŭnictva z zamiežnaj raźviedkaj. Pavodle viersii śledstva, jany atrymlivali zadańni praz mesendžar Telegram, a ŭznaharodžańnie — u kryptavalucie. Pra spravu raskazali ŭ Nacyjanalnaj prakuratury Polščy, piša Most.
Pavodle źviestak polskaj prakuratury, zadańni inšaziemcy vykonvali z sakavika 2024 hoda da lutaha 2025‑ha ŭ Žešavie, Varšavie, Łodzi i inšych nasielenych punktach. U ich zadačy ŭvachodziła fatahrafavańnie abjektaŭ krytyčnaj infrastruktury i miescaŭ, važnych dla biaśpieki dziaržavy. Akramia taho, jany pavinny byli raźviešvać płakaty i malavać hrafici.
Zatrymali padazravanych 25 i 26 listapada. Prakuratura paviedamiła ich imiony. Heta hramadzianie Biełarusi Viktoryja M., Anton M. i Uładzimir U., a taksama hramadzianie Ukrainy Alaksandr S. i niepaŭnaletniaja Sofja Ch.
ich užo dapytali i vystavili abvinavačvańni. Pa inkryminavanych artykułach im moža pahražać ad 5 da 30 hadoŭ pazbaŭleńnia voli.
Viktoryju M., Antona M. i Alaksandra S. sud pastanaviŭ aryštavać na try miesiacy. Sofju Ch. źmiaścili ŭ centr dla niepaŭnaletnich. Uładzimiru U. zabaroniena pakidać krainu, a mieru strymańnia, nie źviazanuju z pazbaŭleńniem voli, jamu abrali z-za prablem sa zdaroŭjem.
Polšča raspačała kryminalnuju spravu za sprobu viarboŭki biełaruskimi śpiecsłužbami supracoŭnikaŭ NAU
U Polščy raskazali padrabiaznaści pra spravu rasijskaha apazicyjaniera, jaki akazaŭsia špijonam
U zatrymanaha ŭ Polščy taksista-špijona znajšli śpis biełarusaŭ, za jakimi jon mieŭ zadańnie sačyć
U Jeŭropie vykryli biełaruskuju špijonskuju sietku. Aryštavali byłoha kiraŭnika małdaŭskaj kontrraźviedki
Kamientary
A vot Łukašienko plevał na problemy so zdorov́jem u tiech, kto protiv nieho! Rak, kovid i tak daleje* plevať, v tiuŕmu!...
Polaki nie ponimajut, s kiem imiejut dieło!