Łukašenka nakiroŭvajecca ŭ Ałžyr
Alaksandr Łukašenka 2—3 śniežnia ździejśnić aficyjny vizit u Ałžyrskuju Narodnuju Demakratyčnuju Respubliku. Heta pieršy vizit na najvyšejšym uzroŭni ŭ historyi adnosin pamiž dźviuma krainami, paviedamlaje jaho pres-słužba.
Fota: Alexei Nikolsky, Sputnik, Kremlin Pool Photo via AP
Jon i prezident Ałžyra Abdelmadžyd Tebun praviaduć pieramovy ŭ vuzkim i pašyranym składach z akcentam na pahłybleńnie handlova-ekanamičnaha supracoŭnictva i realizacyju ŭzajemavyhadnych dvuchbakovych prajektaŭ. Płanujecca abmierkavać pierśpiektyvy pastavak techniki i kaapieracyi, uzajemadziejańnia ŭ ahrapramysłovym kompleksie, miedycynie, adukacyi i humanitarnaj śfiery ŭ cełym.
U Ałžyry adbyŭsia sumiesny biznes-forum, prajšli pieramovy na ŭzroŭni ministraŭ, kiraŭnictva pradpryjemstvaŭ i kampanij.
Łukašenka naviedaŭ Kyrhyzstan, dzie braŭ udzieł u samicie ADKB, Mjanmu i Aman.