Pucin siońnia sustreniecca i z Uitkafam, i ź ziaciem Trampa Kušnieram

Sustreča pačniecca siońnia paśla 17:00 pa minskim časie i nie maje abmiežavańnia pa časie.

Archiŭny zdymak, 25 krasavika 2025 hoda. Fota: Kristina Kormilitsyna, Sputnik, Kremlin Pool Photo via AP, File

Heta ŭžo šostaja sioleta pajezdka Uitkafa ŭ Maskvu. U aeraporcie «Unukava» śpiecpasłańnika Trampa sustreŭ śpiecpradstaŭnik rasijskaha prezidenta Kirył Dźmitryjeŭ.

Upieršyniu Uitkafa supravadžaje ziać Trampa Džared Kušnier, pry hetym da apošniaha ŭdzieł Kušniera ŭ pajezdcy aficyjna nie byŭ paćvierdžany. Ale Dźmitryj Piaskoŭ siońnia ŭdakładniŭ, što Uładzimir Pucin prymie ŭ Kramli nie tolki śpiecpasłańnika Donalda Trampa Styva Uitkafa, ale i ziacia prezidenta Džareda Kušniera. Heta buduć adzinyja pradstaŭniki ZŠA.

Sustreča pačniecca siońnia paśla 17:00 pa minskim časie i nie maje abmiežavańnia pa časie, skazaŭ Piaskoŭ. Uitkafa jon nazvaŭ «hałoŭnym amierykanskim pierahavorščykam pa ŭkrainskich spravach».

Raniej u Fłarydzie Uitkaf, Kušnier i dziaržsakratar ZŠA Marka Rubia abmierkavali płan pa zakančeńni vajny z ukrainskaj delehacyjaj. Pavodle danych ŚMI, hałoŭnaj temaj stała pytańnie terytoryj.

Kamientary da artykuła