Byłuju kiraŭnicu jeŭradypłamatyi Fiederyku Mahieryni zatrymali ŭ Bielhii za machlarstva
Byłaja viarchoŭnaja pradstaŭnica Jeŭrapiejskaha sajuza pa zamiežnych spravach i palitycy biaśpieki Fiederyka Mahieryni zatrymanaja ŭ Bielhii. Jaje padazrajuć u machlarstvie.
Fiederyka Mahieryni. Foto: Jack Taylor / Getty Images
U aŭtorak bielhijskaja palicyja praviała maštabnuju apieracyju ŭ dačynieńni da važniejšych instytutaŭ Jeŭrapiejskaha sajuza. Rejdy zakranuli štab-kvateru Jeŭrapiejskaj słužby źniešnich dziejańniaŭ (EEAS) i prestyžny Kaledž Jeŭropy ŭ Bruhie. Rasśledavańnie viadziecca pa fakcie mierkavanaha machlarstva, karupcyi i niapravilnaha vykarystańnia srodkaŭ ES u 2021—2022 hadach.
Rasśledavańnie źviazana z mahčymym «machlarstvam pry zaklučeńni dziaržaŭnych kantraktaŭ, karupcyjaj, kanfliktam intaresaŭ i parušeńniem prafiesijnaj tajamnicy» ŭ Kaledžy Jeŭropy, jaki zajmajecca padrychtoŭkaj jeŭrapiejskich dypłamataŭ.
Vobšuki pravodziacca ŭ štab-kvatery Jeŭrapiejskaj źniešniaj słužby ŭ Brusieli; budynkach College of Europe u Bruhie; pryvatnych žyłych pamiaškańniach.
Paviedamlajecca pra troch zatrymanych, u tym liku Mahieryni. Spravu viadzie Jeŭrapiejskaja prakuratura pry ŭdziele bielhijskaj palicyi. Pakul nikomu aficyjna nie vystaŭlenyja abvinavačańni.
Palicyja praviaraje, ci mieli pradstaŭniki Kaledža papiarednija źviestki pra tendery i ci było parušana praviła spraviadlivaj kankurencyi.