Najlepšym futbalistam Biełarusi 2025 hoda pryznany Valeryj Hramyka
U hetym hodzie paŭabaronca kłuba «Kajrat» z Ałmaty staŭ čempijonam Kazachstana, prabiŭsia razam sa svajoj kamandaj u hrupavy etap Lihi čempijonaŭ i zabiŭ hoł za zbornuju Biełarusi ŭ hulni suprać mocnaj zbornaj Danii, piša «Trybuna».
Valeryj Hramyka
Sam Hramyka na cyrymoniju ŭ Minsk nie prylacieŭ, ale zapisaŭ videa z padziakami. Pryz atrymali baćki futbalista.
U mini-futbole najlepšymi hulcami hoda stali Alaksiej Łukša i Mirasłava Zubko.
Najlepšym plažny futbalist Biełarusi 2025 hoda prahnazavana staŭ pryznany lidar zbornaj Ihar Bryšciel. Biełaruskija plažniki sioleta zavajavali srebra čempijanatu śvietu.
Najlepšym hulcom čempijanatu Biełarusi pryznany bramnik kłuba «MŁ Viciebsk» Pavieł Paŭlučenka, jaki pravioŭ 17 «suchich» matčaŭ i staŭ čempijonam krainy.
Najlepšy trenier čempijanatu Biełarusi 2025 hoda — Ivan Bijončyk. Hałoŭny trenier bronzavaha pryziora, «Słavii» z Mazyra, atrymaŭ hetuju ŭznaharodu ŭžo druhi raz (pieršy — u 2021-m).
Čytajcie taksama:
U pierachodnych matčach zhulaje «Smarhoń»
«MŁ Viciebsk» staŭ čempijonam Biełarusi pa futbole
U fiederacyi futbołu razhladajuć varyjant źmianšeńnia kamand u čempijanacie krainy