Bieraściejec nieaściarožnym klikam pa liście z škodnasnym fajłam paralizavaŭ pracu kampanii
U milicyju z zajavaj ab machlarstvie źviarnuŭsia 36‑hadovy dyrektar kampanii. Jon raskazaŭ, što śpiecyfika jaje pracy praduhledžvaje kamunikacyju ź fizičnymi i jurydyčnymi asobami pa elektronnaj pošcie, paviedamlaje abłasnaja milicyja.
«Adzin z supracoŭnikaŭ, prahladajučy paviedamleńni ŭ elektronnaj pošcie, adkryŭ škodnasny fajł, jaki źmiaščaŭsia ŭ atrymanym elektronnym liście i byŭ zamaskiravany pad rabočuju prahramu. Paśla hetaha škodnasnaje prahramnaje zabieśpiačeńnie zašyfravała ŭsiu najaŭnuju na sierviery kampanii infarmacyju i fajły, abmiežavaŭšy supracoŭnikam dostup da ich», — raskazali ŭ UUS.
Na pracoŭnym stale akazaŭsia tolki adzin čytelny fajł. U tekstavym dakumiencie było patrabavańnie ab pieravodzie bolš za Br30 tysiač za rasšyfroŭku kampjutarnaj infarmacyi.
Zaviedziena kryminalnaja sprava pa č.2 art.208 (vymahalnictva).