Maładuju vypusknicu histfaka ź Lidy, jakaja maje biznes u Rasii, asudzili za Hajuna

Marharytu Jasievič sudzili pavodle dźviuch častak artykuła za «spryjańnie ekstremisckaj dziejnaści».

Marharyta Jasievič. Fota ź jaje staronki Ukantakcie

Marharycie Jasievič 29 hadoŭ. Jana rodam ź Lidy. U 2018‑m skončyła histaryčny fakultet BDU pa śpiecyjalnaści «Muziejnaja sprava i achova historyka-kulturnaj spadčyny».

U 2020 hodzie Marharyta zarehistravała ŭ Smalensku firmu «VM-TORH». Jaje śfiera dziejnaści — aptovy handal meblaj, bytavymi tavarami, skabianymi, nažavymi i inšymi mietaličnymi vyrabami.

U apošnija hady dziaŭčyna žyvie ŭ Samachvałavičach pad Minskam.

Jasievič asudzili pavodle č. 1 i č. 2 art. 361‑4 KK («spryjańnie ekstremisckaj dziejnaści»). Padobna, što jaje pieraśled źviazany sa spravaj Hajuna. Prysud — chatniaja chimija, ale termin dakładna nieviadomy.

Kamientary da artykuła