Zialenski pahavaryŭ pa telefonie z Uitkafam i Kušnieram

Prezident Ukrainy Uładzimir Zialenski paviedamiŭ u sacsietkach, što pravioŭ «doŭhuju i źmiastoŭnuju» hutarku pa telefonie z amierykanskimi pieramoŭnikami Styvam Uitkafam i Džaredam Kušnieram, jakija raniej na hetym tydni sustrakalisia z rasijskim prezidentam Uładzimiram Pucinym.

Uładzimir Zialenski. Fota: Ofis prezidenta Ukrainy

U razmovie taksama ŭdzielničali sakratar Rady nacyjanalnaj biaśpieki i abarony Ukrainy Rustem Umieraŭ i načalnik Hienštaba USU Andrej Hnataŭ, jakija niadaŭna sustrakalisia z Uitkafam i Kušnieram u Majami.

Zialenski napisaŭ:

«My nadali ŭvahu šmatlikim aśpiektam i davoli chutka abmierkavali klučavyja rečy, jakija mohuć harantavać zakančeńnie krovapralićcia i źniać pahrozu treciaha ŭvarvańnia Rasii, a taksama pahrozu nievykanańnia Rasijaj jaje abiacańniaŭ, jak heta ŭžo nie raz było ŭ minułym. Ukraina nastrojenaja pracavać sumlenna z amierykanskim bokam i dalej, kab realna prynieści mir», — napisaŭ Zialenski, dadaŭšy słovy padziaki prezidentu ZŠA Donaldu Trampu.

Zialenski dadaŭ, što ciapier Umieraŭ i Hnataŭ viartajucca ŭ Kijeŭ i daduć jamu detalovuju spravazdaču pra svaju sustreču:

«Nie ŭsie možam abmierkavać pa telefonie, tamu treba detalova papracavać z kamandami nad idejami i prapanovami».

Kamientary da artykuła