«Jany hrajucca ŭ hulni». Mierc dy inšyja jeŭrapiejskija lidary bajacca zdrady ZŠA
Miarkujučy pa ŭsim, siarod jeŭrapiejskich lidaraŭ raście zaniepakojenaść, što ŭrad ZŠA moža adchryścicca ad Ukrainy na pieramovach z Rasijaj, piša Bild.
Časopis Der Spiegel paviedamlaje pra telefonnuju kanfierencyju, u jakoj udzielničali niekalki kiraŭnikoŭ dziaržaŭ i ŭradaŭ Jeŭropy. Siarod ich byli kancler Hiermanii Frydrych Mierc, prezident Francyi Emanuel Makron, hienieralny sakratar NATA Mark Rute i prezident Finlandyi Alaksandr Stub. Časopis cytuje vytrymki z anhlijskaha zapisu razmovy:
«Isnuje vierahodnaść, što ZŠA zdradziać Ukrainie ŭ pytańni terytoryj bieź jasnaści adnosna harantyj biaśpieki», — zajaviŭ Makron u anhłamoŭnym pratakole kanfierencyi.
Mierc papiaredziŭ, što prezident Ukrainy Uładzimir Zialenski pavinien być «u najbližejšyja dni krajnie aściarožnym»: «Jany hulajuć u hulni — i z vami, i z nami», — papiaredziŭ Mierc.
Vierahodna, kancler mieŭ na ŭvazie dvuch amierykanskich pieramoŭščykaŭ — Styva Uitkafa i Džareda Kušniera.
Prezident Finlandyi Stub vykazvaŭsia ŭ tym ža klučy: «My nie pavinny pakidać Ukrainu i Uładzimira sam-nasam z hetymi chłopcami», — skazaŭ jon u adnym z epizodaŭ razmovy.
Hienieralny sakratar NATA Mark Rute pahadziŭsia: «Ja zhodny z Alaksandram: my pavinny abaranić Uładzimira».
Nivodny z udzielnikaŭ telefonnaj razmovy nie paćvierdziŭ časopisu Der Spiegel źmiest pratakoła. Zvanok, pavodle danych vydańnia, adbyŭsia ŭ paniadziełak. Da hetaha momantu mirny płan z 28 punktaŭ, jaki Ŭitkof i Kušnier abmiarkoŭvajuć z rasijskimi pradstaŭnikami, užo prasačyŭsia ŭ presu.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary
Dobra što jość Mierc i Eŭropa, jakaja nikoli nie zdradzić Ukrainie, i kali budzie patrebna, navat pašle svai vojska, kab raźbić maskoŭskuju ardu!
[Zredahavana]