«Ja razumieju, što možna zrabić kopiju krasovak…» Rasijanie spłahijacili minski dziciačy sadok
U rasijskim horadzie Pienza ŭ 2024 hodzie źjaviłasia dakładnaja kopija dziciačaha sadka «Žoŭty žyraf», jaki byŭ pabudavany ŭ 2018 hodzie ŭ minskim žyłym kompleksie «Novaja Baravaja».
Sadok «Žoŭty žyraf», jaki byŭ pabudavany ŭ 2018 hodzie ŭ Novaj Baravoj
Sam architektar Kirył Skarynin, aŭtar aryhinalnaha biełaruskaha prajekta, zaŭvažyŭ heta i prakamientavaŭ situacyju na svajoj staroncy ŭ fejsbuku: «Ja razumieju, što možna zrabić kopiju krasovak, sumački ci elektrahitary. Ale kopiju dziciačaha sadka ja baču ŭpieršyniu!»
Sadok «Simba» ŭ Pienzie
U kampanii A-100, jakaja zajmajecca budaŭnictvam «Novaj Baravoj», situacyju prakamientavali nieadnaznačna. Z adnaho boku, tam nazvali fakt kapiravańnia pryjemnym, ale padkreślili, što buduć raźbiracca ŭ situacyi: «Z adnaho boku, heta paćviardžaje: za lepšymi sapraŭdy paŭtarajuć. Ale zaraz my vyvučajem situacyju — dla nas pryncypova važna, kab rašeńni, stvoranyja z dušoj dla našych žycharoŭ, zastavalisia ekskluziŭnymi», piša «Prystaličča».