Dyrektar minskaha biznes-centra zachacieŭ adkryć svoj restaran i dla hetaha skraŭ 200 tysiač rubloŭ
U Minsku zatrymali 42‑hadovaha inšaziemca, jakoha abvinavačvajuć u kradziažy ŭ asabliva bujnym pamiery praz złoŭžyvańnie słužbovymi paŭnamoctvami. Pra heta paviedamlaje Hienprakuratura.
Mužčyna byŭ dyrektaram adnaho ź biznes-centraŭ stalicy. Skarystaŭšysia sa svajho słužbovaha stanovišča, jon zaklučyŭ ź indyvidualnym pradprymalnikam fiktyŭnuju damovu padradu na vykanańnie dyzajnierskaha prajekta budynka na sumu 200 tysiač rubloŭ.
Na praktycy raboty pa damovie nie vykonvalisia, a atrymanyja na rachunak IP hrošy paśla vypłaty padatkaŭ byli pieradadzienyja abvinavačanamu najaŭnymi.
Płanavałasia, što skradzienyja srodki biznesmien vykarystaje dla realizacyi ŭłasnych prajektaŭ, u tym liku dla adkryćcia restarana.
Dziejańni abvinavačanaha kvalifikavanyja pa č. 4 art. 210 Kryminalnaha kodeksa — jak kradziež praz złoŭžyvańnie słužbovymi paŭnamoctvami. Jamu pahražaje pazbaŭleńnie voli na 5—12 hadoŭ, štraf i zabarona zajmać peŭnyja pasady abo vieści dziejnaść.
U Hienprakuratury adznačyli, što heta nie adziny epizod supraćpraŭnaj dziejnaści abvinavačanaha. Ciapier praviarajucca inšyja mahčymyja fakty kradziažu im srodkaŭ arhanizacyi.
Čytajcie taksama:
Na Mahiloŭščynie mužčyna zvolniŭsia i vynies z pracy dźvie tony sała
U Mahilovie złavili aŭtamabilnaha złodzieja, jakoha raniej sudzili 16 razoŭ
U sud pieradali spravu abvinavačanych u karupcyi supracoŭnikaŭ «Biełšyny»