U Mahilovie złavili aŭtamabilnaha złodzieja, jakoha raniej sudzili 16 razoŭ
U horadzie adbyłosia niekalki kradziažoŭ z aŭto.
Pieršym z paviedamleńniem ab kradziažy z aŭto ŭ milicyju źviarnuŭsia ŭładalnik Kia Carnival. Jaho miniven znachodziŭsia na vulicy na terytoryi adnaho z haražnych kaapieratyvaŭ Mahilova — haspadar ubačyŭ, što raźbita zadniaje levaje škło i skradzienyja aŭtamabilnyja dynamiki. Pry vyjeździe na miesca śledča-apieratyŭnaj hrupaj ustanoŭlena, što dadzieny fakt kradziažu z aŭto nie adzinkavy.
Ahułam nieviadomy, praniknuŭšy ŭ piać mašyn (častka aŭto była niezačyniena), zabraŭ videarehistratar, nabor instrumientaŭ, radyjatar, machavik ruchavika i inšuju majomaść na sumu bolš za tysiaču rubloŭ. U chodzie ahladu miesca zdareńnia ekśpiert Mahiloŭskaha mižrajonnaha adździeła Dziaržaŭnaha kamiteta sudovych ekśpiertyz znajšoŭ na ziamli ślady abutku.
Pa padazreńni ŭ datyčnaści da pakazanych złačynstvaŭ supracoŭniki milicyi zatrymali biespracoŭnaha, raniej 16 razoŭ sudzimaha, u asnoŭnym za kradziažy, 42‑hadovaha mahiloŭca. Jaho abutak nakiravali na sudova-trasałahičnuju ekśpiertyzu.
Zhodna z vynikami ekśpiertyzy, ślady abutku, vyjaŭlenyja na miescy złačynstva, častkova abo poŭnaściu supali z padešvaj krasovak zatrymanaha.
Mužčyna pryznaŭ svaju vinu. Častka skradzienaha ŭ jaho zabrana, niešta jon paśpieŭ zdać u punkt pryjomu mietału. Akramia hetaha, u chodzie śledstva ŭstanoŭlena, što fihurant dvojčy kraŭ hrošy ŭ znajomych
U vyniku jaho asudzili na čatyry hady strohaha režymu, a taksama na prymusovaje lačeńnie ad chraničnaha ałkahalizmu.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka3
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2525
Kamientary