U Baranavičach u śniežni zaćviła šypšyna FOTAFAKT
Choć ciapier i śniežań — na vulicy plusavyja tempieratury, a tamu sama pryroda, zdajecca, nie razumieje, jakaja ciapier para hoda. U centry Baranavič fatohraf miascovaha vydańnia «Naš kraj» zaŭvažyŭ niešta niezvyčajnaje — zimovaje ćvicieńnie kustoŭ.
Šypšyna raspuściła jarka-ružovyja kvietki, a na susiednich halinkach visiać nasyčana-čyrvonyja jahady, što paśpieli paśla pieršaha ŭradžaju.
Kali šypšyna ćvicie ŭ zimovy čas, heta moža śviedčyć pra niestabilnaje nadvorje ci parušeńnie jaje naturalnaha cykła adpačynku z-za anamalnaha ciapła.
Ćvicieńnie ŭ zimovy pieryjad nietypovaje dla raśliny i moža śviedčyć pra jaje stres pierad sapraŭdnymi marazami.
Pa narodnych prykmietach, takaja źjava moža być pradvieśnikam surovaj zimy.
Čytajcie taksama:
Jak nazyvajucca jahady i sadavina ŭ roznych rehijonach Biełarusi