Kańkabiežka Zujeva zavajavała dla Biełarusi druhuju licenziju na Alimpijadu
Biełaruskaja kańkabiežka Maryna Zujeva vykanała nieabchodnyja narmatyvy Kubka śvietu i tym samym atrymała dla krainy druhuju alimpijskuju licenziju na zimovyja Alimpijskija hulni 2026 hoda. Pra heta paviedamiła staršynia Biełaruskaha sajuza kańkabiežcaŭ Julija Komleva ŭ razmovie z vydańniem sport5.by.
Maryna Zujeva. Fota: BiełTA
Julija Komleva adznačyła, što Zujeva ŭpeŭniena vystupiła na troch pieršych etapach Kubka śvietu, jakija prajšli ŭ Kanadzie, ZŠA i Niderłandach. Na dystancyjach 3000 i 5000 mietraŭ spartsmienka prademanstravała vyrazny prahres: pačaŭšy ŭ hrupie B, jana pakazała vyniki, jakija dazvolili pierajści ŭ hrupu A. Pavodle Komlevaj, ciapier možna ŭpeŭniena śćviardžać, što licenzija ŭžo zavajavanaja.
Aficyjnaje paćviardžeńnie treba čakać paśla taho, jak buduć apublikavanyja alimpijskija kvoty pa vynikach čaćviortaha etapu Kubka śvietu ŭ Chamary, što adbudziecca 12—14 śniežnia.
Pieršuju licenziju dla Biełarusi raniej atrymała fihurystka Viktoryja Safonava.
Alimpijskija hulni 2026 hoda projduć u italjanskich Miłanie i Karcina-d'Ampieca z 6 pa 22 lutaha.
Čytajcie taksama:
Domračava hatovaja ŭznačalić zbornuju Biełarusi. Ale pry adnoj umovie
Ci paśpiejuć biełaruskija spartoŭcy adabracca na Zimovuju Alimpijadu?