«Biełavija» abviaściła źnižki na ŭsie kirunki, ale akcyja dziejničaje tolki adzin dzień
10 śniežnia pa taryfie «Proma» možna nabyć kvitki na ŭsie rehularnyja rejsy «Biełavija» sa źnižkaj. Ale jana nie raspaŭsiudžvajecca na taksy i zbory.
Fota: Pavel Bednyakov / AP
Akcyja dziejničaje na pramyja vylety ź Minska, Homiela, Bresta, Mahilova i ŭ zvarotnym kirunku. Možna nabyć kvitok u adzin bok abo ŭ abodva.
Lacieć z akcyjnymi kvitkami možna ŭžo siońnia i da 28 sakavika. Kolkaść biletaŭ abmiežavanaja. Nabyć ich možna tolki na sajcie avijakampanii. Ale važna ŭličvać: kvitok, nabyty z taryfam «Proma», nie padlahaje viartańniu i abmienu.
Naprykład, u Dubaj možna nabyć kvitki ad 430 rubloŭ u adzin bok. U Stambuł — ad 379 rubloŭ. U Deli — ad 532 rubloŭ. U Baku — ad 270 rubloŭ. Na Šry-Łanku (Chambantota) — ad 755 rubloŭ. U Tel-Aviŭ — ad 452 rubloŭ.
«Biełavija» vykonvaje rehularnyja rejsy ŭ nastupnyja harady: Maskva, Sankt-Pieciarburh, Kalininhrad, Murmansk, Machačkała, Sočy, Kazań, Jekaciarynburh, Tbilisi, Batumi, Kutaisi, Jerevan, Baku, Astana, Taškient, Turkmienbašy, Urumčy, Dubaj, Stambuł, Deli, u horad Chambantota na Šry-Łancy, a taksama budzie z studzienia lotać u Tel-Aviŭ.